Түүхэн товчоо

ТҮҮХЭН ЗАМНАЛ

БАЙГУУЛЛАГЫН НЭР ӨӨРЧЛӨЛТ:

  1. 1974-1976 он Булган аймгийн Эрдэнэт хорооны Нийтийн аж ахуйн үйлчилгээний салбар
  1. 1976-1989 он Эрдэнэт хот статустай болгоход Эрдэнэт хотын Нийтийн аж ахуйн үйлчилгээний байгууллага
  1. 1989-1990 он Эрдэнэт хотын Орон сууц нийтийн аж ахуйн газар,
  2. 1999-2003 он “Эрдэнэт-Ус” үйлдвэрийн газар, 2003-2022 он “Эрдэнэт ус, дулаан түгээх сүлжээ” ОНӨХК
1974 - 1976 он
1974 - 1976 он

 “Эрдэнэт ус, дулаан түгээх сүлжээ” ОНӨХКомпани нь 1974 оны 11 дүгээр сард Булган аймгийн Эрдэнэт хорооны Нийтийн аж ахуйн үйлчилгээний салбар нэртэйгээр тулгын чулуугаа тавьсан түүхтэй. Монгол улсын хөгжлийн төвтэй уялдуулж БНМАУ-ын Ардын Их Хурлын тэргүүлэгчдийн 266 дугаар зарлигаар Булган аймгийн Эрдэнэт хороог 1976 оны 1 дүгээр сараас Эрдэнэт хот статустай болгоход Эрдэнэт хотын НААҮ нь байгууллага болон зохион байгуулагдснаар байгууллагын түүх эхэлсэн юм.

Эрдэнэт хотын НААҮ-ний газар нь дарга, нягтлан бодогч, инженер эдийн засагч, коминдант, бичээч, мөнгөний нярав, автомашины жолооч 2, үсчин, 1, гуталчин 2, оёдолчин 7 бусад ажилтан 5 нийт 23 хүнтэй 43,9 мянган төгрөгний төсөвтэй ажлын гараагаа эхэлж байжээ.
1989 - 2003 он
1989 - 2003 он

1989 оноос Эрдэнэт хотын Орон сууц нийтийн аж ахуйн газар, 1999 оноос “Эрдэнэт-Ус” үйлдвэрийн газар, 2003 оноос “Эрдэнэт ус, дулаан түгээх сүлжээ” ОНӨХК болон зохион байгуулагдсан хөгжлийн ТҮҮХЭН замналтай хотын ууган байгууллагын нэг юм.
1991 - 1999 он
1991 - 1999 он

1991 онд ахуйн үйлчилгээний удирдах газар, 1992 онд Эрдэнэт зочид буудал хувьчлагдаж, 1991 онд БЦСЗА, Хот тохижуулах газар тусдаа гарч,  1992 оны 4 дүгээр сарын 1-ний өдөр Эрдэнэт  хотын АДХ-ны гүйцэтгэх захиргааны шийдвэрээр ОСНААГ-ын газрын харъяанд байсан ус суваг, ариутгах татуургын хэсгийг Ус сувгийн ашиглалтын газар /УСАГ/ болгон 1999 онд татан буулгаж Эрдэнэт ус үйлдвэрийн газарт нэгтгэсэн.
1996 - 2003 он
1996 - 2003 он

Орон сууц хувьчлах тухай Дундын өмчлөлийн орон сууцны тухай хуулиуд 1996 онд батлагдан хуулийг хэрэгжүүлэх бэлтгэл ажлыг хангуулсны үндсэн дээр 1997-2003 онд орон сууцыг оршин суугчдад үнэгүй хувьчилж, дундын өмчлөл, орон сууцны ашиглалт, засвар үйлчилгээг Сууц өмчлөгчдийн холбоодод шилжүүлснээр манай байгууллагын чиг үүрэгт тоомон өөрчлөлт орсон түүхтэй.
2001 - 2002 он
2001 - 2002 он

Эрчим хүчний зохицуулах газраас Дулаан түгээх, дулаанаар зохицуулалттай хангах, Засгийн газрын хэрэгжүүлэгч агентлаг Барилга, хот байгуулалт нийтийн аж ахуйн газраас Нийтийн аж ахуйн үйлчилгээ эрхлэх тусгай зөвшөөрлүүдийг 2001, 2002 онд авч, түүний нөхцөл шаардлагуудыг хэрэгжүүлэх үүднээс байгууллагынхаа дотоод бүтэц, зохион байгуулалтыг өөрчлөн зохион байгуулсан.
2003 он
2003 он

НААҮ-ний байгууллага нь Иргэний хууль, Төрийн болон орон нутгийн өмчийн тухай хууль, Компаний тухай хуулийн хүрээнд ажил үйлчилгээ явуулах болсны дагуу 2003 оны 04-р сарын 01-ний өдрөөс “Эрдэнэт ус, дулаан түгээх сүлжээ” ОНӨХК нэртэйгээр хувьцаат компани болсон.
2013 - Одоог хүртэл
2013 - Одоог хүртэл

Эрдэнэт хотын НААҮ-ний ижил төрлийн үйл ажиллагаа явуулж байсан “Эрдэнэт-Амьдрал” ХХК-нийг аймгийн ИТХ-ын 2013 оны 07-р сарын 04-ний өдрийн 83 дугаар тогтоолоор “Эрдэнэт ус, дулаан түгээх сүлжээ” ОНӨХК-тай нэгтгэснээр эдүгээ нийт 328 ажилтантай цар хүрээ тэлж, Эрдэнэт хотын иргэдэд үйлчилгээ үзүүлэх хөгжлийн түүхэн замналтай хамт олон бүрдсэн юм.